الشعب والحكام ينعون سلطان

بسم الله الرحمن الرحيم

رثاء في صاحب السمو الملكي الامير سلطان بن عبد العزيز ( يرحمه الله)

القصيدهـ

الشعب والحكام ينعون سلطان
سلطان خير المملكه فاقدينه

كل الوطن ينعى ويعلن بالاحزان
يبكي على سلطان ومواطنينه

الله يعيظه عن حياته باالاحسان
رجل(ن) خدم دوله وشعبه ودينه

ماضيه يشهد له على كل ماكان
حتى اليتامى شالهم في يدينه

عسى أعمال الخير ترجح بميزان
وعسى كتابه ياخذه في يمينه

اطلبك يالمعبود ياعالي الشان
تسكنهم الجنه هو والدينـــه

وتجعل لنا عز(ن) على طول الازمان
وتظفي على شعب السعود السكينه

وأخوانه اللي حاكمين(ن) بالايمان
هل السيوف المرهفات السنينه

خلو وطنا أخير مــن كل الاوطان
وصاروا لنا مثل الدروع الحصينه

وإختامها صلوا على نسل عدنان
عــداد من لبـــى وزار المدينـــه